2013-10-20讚美團領唱-佇我救主榮光面前【台語】

佇我救主榮光面前，大家聚集歡喜和平
主祢疼痛極大無比，阮欲吟詩來感謝祢
今著學主隨祂腳步，大家進前來行天路
無論經過逐項代誌，常常幫助安慰扶持

願我救主催迫我心，助我疼祢日日愈深
將我性命獻互祢用，報答我主極大恩情
主祢謙卑看無家己，學生的腳祢洗清氣
祢好模樣阮學來行，成做一體大家相疼

今求救主作阮牧者，導阮經過深坑曠野
兄弟姊妹成做一體，大家同行天路無退
日日交陪愈久愈深，好歹境遇相疼無盡
今願榮光歸佇上帝，一齊謳咾直到萬世